大家有無試過用 Tap and Go 去阿信屋度掃貨? 點解咁問? 事關 Tap and Go 成日都會推出阿信屋嘅優惠，不過有個問題就係，呢啲優惠好多時都係使用 csl.、1010 嘅人先用到，咁其他台嘅用家點算? 咪無 Tap and Go 阿信屋優惠囉? 版主話你知：仲有辦法嘅! 最近有一隻叫 TNG Wallet 嘅 App 推出左，比 Tap and Go 嘅功能更為強大，去阿信屋買野仲可以得到超過 100% 嘅回報，咁着數? 版主即刻同你分享!
版主覺得，呢隻 App 最方便嘅地方，莫過於佢唔需要扮信用卡，唔需要什麼 Paywave。你可能會問：唔用信用卡、Paywave 點俾錢呀? 原來，呢隻 TNG Wallet 係利用 QR Code 進行交易憑證。只要你買完野之後，拎住部手機去櫃台俾職員掃一掃個 TNG Wallet 入面嘅 QR Code，咁就搞掂! 簡單又方便! 另外，呢隻 App 仲有一啲特別嘅功能，例如你同朋友食完野之後可以「分單」，咁就可以實現「AA 制」嘅消費享受。
目前 TNG 同 759 阿信屋達成合作關係，顧客只要於 11 月 4 日 至 19 日期間，到 759 阿信屋各門巿下載及登記TNG WALLET，並增值港幣 $100，即可額外獲得港幣 $100 及可享 759 阿信屋門巿八八折購物優惠。亦即係話，如果你去阿信屋增值 $100，就等於可以得到 $200，你買完野再享有八八折優惠，就真係好抵! 而且阿信屋仲成日會再有 7 折、8 折、9 折等優惠，咁就真係抵上加抵! 不過目前呢個優惠嘅名額只有 20 萬個，預計今個禮拜就可以派完。
呢隻 App 仲有好多特別的服務，包括：
1. 點對點 (P2P) 轉帳：利用 TNG WALLET 通過提供加密支付數據包來完成交易。
2. 面對面轉帳：透過 QR Code 轉帳俾朋友。
3. 中港繳費通：方便為國內的電話增值、更可繳交水電媒等費用。
4. 電子門票及優惠券：利用 QR Code 購票，目前在「香港國際美酒展」可率先使用。
5. 電子醫療卡及電子禮品劵：可利用 $1000 換 10 張醫療券。
版主覺得呢個 TNG WALLET 真係好方便，佢嘅功能比普通嘅 Tap and Go 更廣泛，最重要是無論你咩台都好都可以使用，而且仲要唔洗連信用卡，只要去 App Store 下載 TNG Wallet，開個戶口 (只需輸入電話號碼及交易密碼)，就可以開始去 shopping。更吸引人嘅地方係，去 759 增值 $100 可額外送 $100 回贈，買野仲有折添! 為左佢嘅優惠，即刻下載落黎去 759 掃貨都抵到笑啦!
759 阿信屋 x TNG Wallet：增值 $100 送 $100，仲有折!
04/11/2015ePrice
